ເຕັກນິກການປູກໝາກແຕງຂີ້ໄກ່

}ລັກສະນະທົ່ວໄປ

} ເປັນພືດຜັກທີ່ບໍລິໂພກໝາກ,ປູກໄດ້ຕະຫຫຼອດປີປູກງ່າຍໃຫຍ່ໄວ,ເປັນພືດປີດຽວ,ມີລຳຕົ້ນເປັນເຄື່ອຍາວ 2 -3 ມ ມີມືທາວຂື້ນຕາມຄ້າງ,ມີດອກຜູ້ - ແມ່ແຍກກັນຢູ່ແຕ່ລະດອກໃນຕົ້ນດຽວກັນ,ດອກມີສີເຫຼືອງ,ອາຍຸເກັບກ່ຽວ 30 -  45 ວັນ,ໝາກແຕງສາມາດມາປຸງແຕງ,ປະກອບອາຫານໄດ້ຫຼາຍຢ່າງ

§ແນວພັນ

}ແນວພັນໝາກແຕງມີ 2 ຊະນິດຄື: ພັນສຳລັບບໍໍລິໂພກສົດ;  ພັນສຳລັບອຸດສະຫະກຳ

§ການກຽມດິນ

}ໝາກແຕງປູກໄດ້ດີໃນດິນຊາຍແກມຕົມ;ດິນທີ່ມີຄວາມຊຸ່ມປານກາງ,ນ້ຳບໍ່ຂັງ,ຄວນໄຖ,ຂຸດໃຫ້ເລິກ 25 - 30 ຊຕມ,ຕາກດິນໄວ້ 5 - 7 ວັນ,ໃສ່ຝຸ່ນຄອກ ຫຼື ຝຸ່ນບົ່ມ 12ໂຕນ/ຮຕ,ປະໄວ້ 2 -  3 ວັນ,ຫຼັງຈາກນັ້ນປັບໜ້າດິນເຮັດເປັນໜານ.

ການເຮັດໜານປູກ

}ລະດູແລ້ງເຮັດໜານສູງ 30 ຊຕມ,ກວ້າງ 50 ຊຕມ,ລະດູຝົນເຮັດໜານສູງ 40-50 ຊຕມ,ກວ້າງ 50 ຊຕມ,ຍາວຂຶ້ນກັບເນື້ອທີ່,ໃຊ້ຈົກ ຫຼື ຊວ້ານເຮັດຮ່ອງຕາມສັນຄູແຕ່ລະໜານເລິກ 10 - 15 ຊຕມ.

§ການກຽມເມັດພັນກ່ອນປູກ

}ນຳເອົາເມັດພັນໝາກແຕງແຊ່ນ້ຳ 5 -10 ຊມ,ເອົາໃສ່ໃນຖົງຢາງທີ່ເຈາະຮູໄວ້ 2-3 ຮູ, ມັດປາກຖົງໃຫ້ ແໜ້ນ,ແລ້ວ

  ນຳໄປຝັງດິນເລິກ 10 – 45 ຊຕມ,ບ່ອນທີ່ມີແສງແດດ,ປະໄວ້ 10 -12 ຊມ,ເປີດເບິ່ງຖ້າມີການແຕກງອກກໍ່ສາມາດນຳໄປປູກໄດ້ເລີຍ.

ການປູກ
 ຄວນປູກຕອນເຊົ້າ ຫຼື ຄ້າຍແລງ,ການປູກແບບບໍ່ເຮັດຄ້າງໄລຍະຕົ້ນ 50 ຊຕມ,ແຖວ 150 ຊຕມ, ປູກແບບໃຊ້ຄ້າງໄລຍະຕົ້ນ 50 ຊຕມ ແຖວ 1  ມ, ຢອດເມັດລົງ ຂຸມ 5 - 10 ເມັດ,ເລິກ 2 - 5 ຊຕມ,ປົກດ້ວຍຝຸ່ນຄອກ,ຝຸ່ນບົ່ມ ຫຼື ດິນລະອຽດ,ຫົດນ້ຳໃຫ້ປຽກຊຸ່ມ,ປົກດ້ວຍເຟືອງແຫ້ງ. ເມືອມີອາຍຸ 14 ວັນ,ມີໃບແທ້ 2ໃບ,ໃຫ້ຖອນແຍກ,ໃຫ້ເຫຼືອ 1 ຕົ້ນ/ຂຸມ,ໝາກແຕງກວາກໍ່ເລີ່ມເລືອຖ້າປູກແບບຄ້າງຄວນເຮັດຄ້າງເລີຍ.
ການບົວລະບັດຮັກສາ

§ການໃສ່ຝຸ່ນ :

  ຄວນໃສ່ຝຸ່ນຄອກ ຫຼື ຝຸ່ນບົ່ມເທົ່າທີ່ມີຄວາມສາມາດ ແລະເປັນການປັບປຸງດິນ.

§ການໃຫ້ນ້ຳ:

}ໝາກແຕງເປັນພືດທີ່ຕ້ອງການນ້ຳປານກາງ,ຄວນເບິ່ງຄວາມຊຸ່ມຊື່ນໃນດິນ,ແຕ່ຍ່າໃຫ້ນ້ຳຈົນປຽກເກີນໄປ ເພາະຈະເຮັດໃຫ້ຮາກເນົ່າ

}ຄວນເຮັດໃນໄລຍະທຳອິດ,ເມື່ອສັງເກດເຫັນຫຍ້າເກີດຂື້ນມາຄວນກຳຈັດທັນທີ່ພ້ອມໆກັບການພວນດິນ,ໂດຍໃຊ້ແຮງງານຄົນ,ຕົ້ນພືດມີໃບປົກຄຸມດິນແລ້ວບໍ່ຄວນເຮັດ.

}ການເກັບກ່ຽວ

}ໝາກແຕງຈະໃຫ້ຜົນຜະລິດຫຼັງຈາກປູກໄດ້ 35- ຫາ 45 ວັນ,ທັງນີ້ກໍ່ຂື້ນກັບແນວພັນ,ການເກັບແມ່ນໃຫ້ເກັບໝາກອ່ອນທີ່ມີສີຂຽວສົດ,ເກັບທຸກວັນຈົນກວ່າຈະໝົດ,ເອົາໄວ້ຮົມ,ບໍ່ຄວນລ້າງນ້ຳ,ບໍ່ຄວນເກັບຫຼັງຝົນຕົກ,ໃນຊວ່ງອາຍຸໜຶ່ງສາມາດເກັບໄດ 10- ຫາ15 ຄັ້ງ,ຜົນຜະລິດສະເລ່ຍ 250 ຫາ -300 ກິໂລ/ຮຕ

Share: