ການປັກຊຳກິ່ງ ຄືການຕັດກິ່ງ, ຕັດຮາກ ຫຼື
ຕັດໃບຈາກຕົ້ນແມ່ ແລະ ຊັກນຳໃຫ້ເກີດຮາກ ຫຼື ຕົນ ໂດຍໃຊ້ສານເຄມີ ແລະ
ໃຫ້ສະພາບແວດລ້ອມທີ່ເໝາະສົມຊ່ວຍ ໂດຍທົ່ວໄປແລ້ວ
ຕົ້ນໃໝ່ທີ່ໄດ້ຈະເປັນສາຍຕົ້ນທີ່ມີລັກສະນະເໝືອຕົ້ນແມ່ທຸກຢ່າງ
1. ຄວາມສຳຄັນ
ແລະ ຂໍ້ດີ,ຂໍ້ເສຍ ຂອງການຂະຫຍາຍພັນດ້ວຍການຕັດຊຳ
ການຕັດຊຳເປັນວິທີຂະຫຍາຍພັນທີ່ສຳຄັນທີສຸດ
ຂອງໄມ້ພຸ່ມທີ່ໃຊ້ປະດັບ ທັງໄມ້ໃບລົ່ນ ແລະ ໄມ້ຂຽວຕະຫຼອດປີ ໂດຍສະເພາະເໝາະສຳລັບການຂະຫຍາຍພັນໄມ້ດອກ ໄມ້ປະດັບເຊັ່ນ: ຕົ້ນທຽນທອງ, ໄຊມຸງຄູນ, ສະບາ, ດອກເຂັມ,
ສາວນ້ອຍປະແປງໂກສົນ, ຫູປາຄໍ່, ດອກຊ້ອນ, ຫລີວ, ເບນຈະມາດ, ມະລິ, ກຸຫຼາບ,
ດອກເສດຖີ ແລະ ອື່ນໆ. ສ່ວນໄມ້ໃຫ້ໝາກໄດ້ແກ່: ອະງຸ່ນ, ໝາກນາວ, ໝາກໜັ້ນ ແລະ
ພືດຕະກຸນສົ້ມບາງຊະນິດ.
v ຂໍ້ດີການຕັດຊຳ
-
ສາມາດຂະຫຍາຍພັນພືດຫຼາຍຊະນິດ ຈາກຕົ້ນແມ່ບໍ່ເທົ່າໃດຕົ້ນ
ໃນພື້ນທີ່ຈຳກັດ
-
ເຮັດໄດ້ໄວ, ງ່າຍ ແລະ ໃຊ້ຕົ້ນທຶນຕ່ຳ
-
ບໍ່ຕ້ອງການມີເທັກນິກພິເສດຄືກັບການຕໍ່ກິ່ງ, ການຕິດຕາ ຫຼື
ການລ້ຽງເນື້ອເຍື້ອ
-
ຕົ້ນທີ່ໄດ້ຈາກການຕັດຊຳຈະສະໝ່ຳສະເໝີດີ
-
ບໍ່ມີບັນຫາໃນເລື່ອງການກາຍພັນ
v ຂໍເສຍຂອງການປັກຊຳ
-
ເປັນຕົ້ນໄມ້ທີ່ອ່ອນແອ ບໍ່ທົນທານຕໍ່ພະຍາດ ແລະ ແມງໄມ້
-
ການປັກຊຳກິ່ງອ່ອນ ຖ້າບໍ່ຄວບຄຸມອຸນຫະພູມດີ
ຈະເຮັດໃຫ້ກິ່ງແຫ້ງຕາຍໄວກ່ອນການເກີດຮາກ
-
ມັກເກີດມີເຊື້ອພະຍາດເຂົ້າທຳລາຍ ເຮັດໃຫ້ກິ່ງບໍ່ສາມາດເກີດຮາກໄດ້
ຖ້າບໍ່ໄດ້ຂ້າເຊື້ອພະຍາດໃນກິ່ງປັກຊຳ ແລະ ວັດສະດຸປັກຊຳ.
2. ປັດໄຈທີ່ມີອິດທິພົນຕໍ່ການຕັດຊຳ
ການຕັດຊຳຈະປະສົບຜົນສຳເລັດຫຼາຍໜ້ອຍພຽງໃດນັ້ນ
ຂຶ້ນຢູ່ກັບປັດໄຈຕ່າງໆ ທີ່ມີອິດທິພົນຕໍ່ການອອກຮາກຂອງພືດດັ່ງນີ້:
-
ຄຸນລັກສະນະຂອງສິ້ນສ່ວນຂອງພືດ ທີ່ຈະນຳມາຕັດຊຳສ່ວນຕ່າງໆ
ຂອງພືດນັ້ນ ຈະຕ້ອງຕັດມາຈາກຕົ້ນແມ່ທີ່ສົມບູນ, ອາຍຸຍັງນ້ອຍ,
ບໍ່ມີພະຍາດ ແລະ ແມງໄມ້ທຳລາຍ ບໍ່ເປັນຕົ້ນພືດທີ່ຢູ່ໃນໄລຍະພັກຕົວ ແລະ
ເປັນຕົ້ນພືດທີ່ມີການສະສົມອາຫານໄວ້ເຕັມທີ.
-
ຕຳແໜ່ງຂອງຮອຍຕັດຄວນຕັດດ້ວຍມີດຕັດທີ່ຄົມ
ໂດ້ຍໃຫ້ຮອຍຕັດດ້ານລຸ່ມຢູ່ໃຕ້ຂໍ້ ຫຼື ຕິດກັບຂໍ້,
ຮອຍແຜທີ່ຕັດຕ້ອງລຽບດີ, ບໍ່ຈີກຂາດ ຫຼື ຊ້ຳ
ຊຶ່ງຈະຊ່ວຍໃຫ້ສ່ວນຂອງພືດອອກຮາກໄດ້ດີ.
-
ວັດສະດຸຊຳຄວນມີຄຸນສົມບັດທີ່ດີຄື: ທົນທານ, ບໍ່ສະລາຍຕົວໄດ້ງ່າຍ
ຫາໄດ້ງ່າຍ, ລາຄາຖືກ, ດູດຊືມຄວາມຊຸ່ມໄດ້ດີ, ສາມາດລະບາຍນຳ,
ຖ່າຍເທອາກາດໄດ້ດີ ປາສະຈາກເມັດພືດ ແລະ ພະຍາດແມງໄມ້, ມີຄຸນສົມບັດເປັນກາງ
(ຄ່າ pH) ບໍ່ເປັນກົດ ຫຼື ດ່າງເກີນໄປ.
-
ຄວາມຊຸ່ມ ໂດຍທົ່ວໄປຄວາມຊຸ່ມໃນວັດສະດຸຕັດຊຳທີ່ເໝາະສົມຕໍ່ການອອກຮາກ, ແຕກຍອດ ແລະ
ການຈະເລີນເຕີບໂຕຂອງກິ່ງຊໍາຢູ່ໃນຊ່ວງປະມານ 70-80 %
-
ອຸນຫະພູມ ຄວນມີການດູແລໃຫ້ອຸນຫະພູມ ບໍລິເວນໂຄນກິ່ງຕັດຊຳສູງ
ກວ່າອຸນຫະພູມທີ່ຢູ່ເໜືອກິ່ງຕັດຊຳ ເພື່ອໃຫ້ພືດອອກຮາກກ່ອນທີ່ຈະແຕກຍອດ.
-
ແສງ ພືດອອກຮາກ ຫຼື ແຕກຍອດໄດ້ດີ ເມື່ອຕັດຊຳໄວ້ໃນບ່ອນທີ່ມີແສງສະຫວ່າງປະມານ 50 %
-
ການໃຊ້ສານເຄມີ ຫຼື ຮໍໂມນເລັ່ງຮາກ ຈະຊ່ວຍເຮັດໃຫ້ພືດອອກຮາກໄດ້ໄວ ແລະ
ຍັງມີປະລິມານຂອງຮາກຫຼາຍອີກດ້ວຍ.
3.
ເຄື່ອງມີ ແລະ ວັດສະດຸອຸປະກອນທີ່ໃຊ້ໃນການຕັດຊຳ
-
ມີດຕັດແຕ່ງກິ່ງ
-
ມີດຂະຫຍາຍພັນ ຫຼື ຄັດເຕີ ຫຼື ມີດຕິດຕາຕໍ່ກິ່ງ
-
ພາຊະນະເຊັ່ນ: ໂຖ, ຖົງຢາງ, ກະບະຊຳ
-
ວັດສະດຸປັກຊຳ (Rooting
media) ໄດ້ແກ່ ດິນລ້ວນ,
ຊາຍຫຍາບ, ຂີ້ເຖົ່າແກບ, ຝຸ່ນຄອກ, ກາບໝາກພ້າວບົດລະອຽດ, ເສດຊາກພືດບົດ ເປັນຕົ້ນ
-
ສ່ວນຂອງພືດທີ່ນຳມາຂະຫຍາຍພັນເຊັ່ນ: ຮາກ, ຕົ້ນ ຫຼື ກິ່ງ, ໃບ ທີ່ມີຕາຕິດ ແລະ
ແຜ່ນໃບ ເປັນຕົ້ນ
-
ຮໍໂມນເລັ່ງຮາກ
4.
ການເລືອກກິ່ງເພື່ອປັກຊຳ
-
ເປັນກິ່ງທີ່ມີທາດອາຫານສະສົມຢູ່ພໍສົມຄວນ
-
ເປັນກິ່ງທີ່ໄດ້ຈາກຕົ້ນແມ່ທີ່ສົມບຸນ ແລະ ແຂງແຮງ
-
ຄວນຮູ້ທີ່ມາຂອງກິ່ງພັນຢ່າງແນ່ນອນ
-
ເປັນກິ່ງທີ່ສັ້ນ, ມີຂໍ້ ແລະ
ຕາຖີ່
-
ເປັນກິ່ງທີ່ປາສະຈາກພະຍາດ ແລະ ແມງໄມ້
5.
ປະເພດຕ່າງໆ ຂອງການປັກຊຳ
ການປັກຊຳແບ່ງຕາມສ່ວນຕ່າງໆ
ຂອງລຳຕົ້ນທີ່ຖືກຕັດແບ່ງເປັນ 4 ປະເພດເຊັ່ນ: ການປັກກິ່ງ ຫຼື ຕົ້ນ, ປັກຊໍາໃບ, ປັກຊໍາໃບທີ່ມີຕາຕິດ ແລະ ການປັກຊໍາຮາກ ດັ່ງນີ້:
1)
ການຕັດຊຳກິ່ງ ຫຼື ຕົ້ນ (Stem cuttings)
ການຕັດຊຳກິ່ງແບ່ງຕາມລັກສະນະຂອງເນື້ອໄມ້ເຊັ່ນ: ກິ່ງແກ່
ກິ່ງເຄິ່ງອ່ອນເຄິ່ງແກ່, ກິ່ງອ່ອນ ແລະ ກິ່ງຂອງໄມ້ພຸ່ມອ່ອນ ຕັດຊຳເປັນທອນ
ໃຫ້ແຕ່ລະທອນຕັດຕາ ຍອດ ຫຼື ຕາຂ້າງ
ຊຶ່ງຈະເລີນຂຶ້ນ ເມື່ອກິ່ງຊຳອອກຮາກຈະໄດ້ພືດຕົ້ນໃໝ່ ການຕັດຊຳກິ່ງມີດັ່ງນີ້:
ກ. ການຕັດຊຳກິ່ງແກ່
ເປັນການຕັດກິ່ງຈາກຕົ້ນແມ່ທີ່ສົມບູນ ແລະ
ແຂງແຮງປາສະຈາກພະຍາດ ແລະ ແມງໄມ້ລົບກວນ ມີອາຫານສະສົມພາຍໃນກິ່ງພຽງພໍ
ຊຶ່ງຈະຊ່ວຍໃນການອອກຮາກ ແລະ ແຕກຍອດຂອງພືດຕົ້ນໃໝ່ ພືດທີ່ເໝາະສົມເຊັນ ຕົ້ນດອກໄມ້ເຈ້ຍ,
ຄຣິສມາດ ແຄຝຣັ່ງ ແລະ ອື່ນໆ ການຕັດຊຳກິ່ງແກ່ມີຂັ້ນຕອນດັ່ງນີ້:
1. ໃຊ້ມີດຕັດສ່ວນກົກຂອງກິ່ງເປັນມູນຕໍຢູ່ລຸ່ມຂໍ້ເລັກນ້ອຍ
2. ຕັດສ່ວນປາຍກິ່ງສະຫຼຽງຂຶ້ນດ້ານຕາເທິງ
3. ໃຊ້ມີດຂີດເປືອກລົງທາງດ້ານກົກຂອງກິ່ງ
2-4 ຮອຍ
4. ຈຸ່ມດ້ານກົກກິ່ງດ້ວຍຮໍໂມນ
ເພື່ອເລັ່ງການເກີດຮາກ
5. ປັກຊຳກິ່ງໃຫ້ເປັນມູນ 45-60
ອົງສາ
6. ເມື່ອກິ່ງຊຳອອກຮາກ ແລະ
ແຕກຍອດໃໝ່ ຈຶ່ງຍ້າຍປູກ
ວິທີການປັກຊຳກິ່ງເຄິ່ງອ່ອນເຄິ່ງແກ່
ນິຍົມໃຊ້ກັບພືດໃບກວ້າງທີ່ມີໃບສີຂຽວຕະຫລອດປີ
ເໝາະແກ່ການຕັດຊຳໄມ້ດອກ-ໄມ້ປະດັບ, ໄມ້ໃຫ້ພຸ່ມ ຫລື ໄມ້ໃຫ້ໝາກບາງຊະນິດໄດ້ແກ່: ດອກເຈ້ຍ, ຍີ່ໂຖ,
ສະບາ, ໝາກກ້ຽງ ແລະ ອື່ນໆ
·
ຂັ້ນຕອນການຕັດຊຳກິ່ງເຄິ່ງອ່ອນເຄິ່ງແກ່
1.
ຕັດປາຍກິ່ງຖິ້ມ, ຕັດເທິງຕາປະມານ 1 ຊມ
2.
ຕັດທາງດ້ານກົກໃຫ້ຖືກຂໍ້, ຕັດໃບຖິ້ມໃຫ້ເຫຼືອເລັກນ້ອຍ
3.
ໃຊ້ມີດຂີດເປືອກທາງດ້ານລຸ່ມຍາວ 3 ຊມ 2-3 ຮອຍ
4.
ຈຸ່ມກົກລົງໃນສານຮໍໂມນເລັ່ງຮາກ
5. ປັກຊຳລົງໃນພາສະນະທີ່ກຽມໄວ້ ຫົດນ້ຳບົວລະບັດຮັກສາ ເມື່ອອອກຮາກກໍ່ກຽມຍ້າຍໄປປູກໄດ້
ຄ. ການປັກຊຳກິ່ງອ່ອນ
ຫຼື ຍອດອ່ອນ (Softwood cutting)
ຄວນເລືອກກິ່ງທີ່ພໍດີຄືເປັນກິ່ງອ່ອນ ຫລື
ໄມ້ຍອດອ່ອນ ທີ່ຫາກໍ່ແຕກໃໝ່ຂອງພວກໄມ້ດອກ-ໄມ້ປະດັບ ປະເພດໄມ້ເນື້ອແຂງ
ແລະ ໄມ້ໃຫ້ພຸ່ມບາງຊະນິດເຊັ່ນ: ກຸຫລາບ, ຊ້ອນນ້ອຍ, ຍີ່ໂຖ, ຜະກາກຣອງ, ຄາເນຊັນ, ດອກເຂັມ ແລະ ອື່ນໆ.
ວິທີນີ້ເປັນວິທີທີ່ເຮັດໄດ້ໄວ ແລະ ອອກຮາກໄດ້ດີກ່ວາວິທີອື່ນໆ
· ຂັ້ນຕອນການຕັດຊຳກິ່ງອ່ອນ
1.
ຕັດກິ່ງອ່ອນຍາວປະມານ 8 – 10 cm
2.
ຕັດທາງດ້ານກົກໃຫ້ຖືກຂໍ້
3.
ປັກຊຳລົງໃນດິນໃຫ້ເລິກປະມານ 3 cm
4.
ຄຸມດ້ວຍຜ້າຢາງປ້ອງກັນການຄາຍນ້ຳ
5.
ໃຊ້ເວລາປະມານ 2- 3 ອາທິດ ສາມາດຍ້າຍປູກໄດ້
No comments:
Post a Comment