ສູດທີ 4: ວິທີການເຮັດນ້ຳຈຸລິນຊີ ເພື່ອປັບປຸງດິນແລະເລັ່ງການຈະເລີນເຕີບໂຕ

1.   ຂັ້ນ​ຕອນ​ການ​ເຮັດ.

ທຸບ​ໄຂ່​ໃຫ້​ແຕກແລ້ວ​ເອົາ​ໄຂ່​ຂາວແລະໄຂ່​ແດງເທ​ລົງ​ໃສ່​ຖ້ວຍແລ້ວ​ເອົາ​ນ້ຳ​ປາ​ລົງ​ໃສ່ໃນ​ອັດ​ຕາ​ສ່ວນໄຂ່ 1 ໜ່ວຍ​/ນ້ຳ​ປາ 2 ບ່ວງຄົນ​ໃຫ້​ເຂົ້າ​ກັນແລ້ວ​ນຳ​ເອົາ​ແປ້ງ​ນົວໃນ​ອັດ​ຕາ ¼ຂອງ​ບ່ວງ​ແກງ/ໄຂ່​ໄກ່1ໜ່ວຍຄົນ​ເຂົ້າ​ກັນ​ໃຫ້​ລະ​ອຽດແລ້ວ​ນຳ​ເອົາ​ນ້ຳ​ໄຂ່​ທີ່​ໄດ້​ປະ​ສົມ​ສຳ​ເລັດ​ແລ້ວເທ​ລົງ​ໃສ່​ປ່ອງ​ນ້ຳ 1,5 ລີດໃນ​ອັດ​ຕາ​ສ່ວນນ້ຳ​ໄຂ່ 1 ບ່ວງ​ແກງ/1 ປ່ອງ ​ອັດ​ຜາ​ໃຫ້​ແໜ້ນແລ້ວ​ສັ່ນ​ປ່ອງ​ນ້ຳ​ເພື່ອ​ໃຫ້​ມັນ​ລະ​ລາຍ​ເຂົ້າ​ກັນຕາກ​ແດດ​ໄວ້​ປະ​ມານ 3-4 ອາ​ທິດຫຼື 1 ເດືອນສາ​ມາດ​ເອົາ​ມາ​ນຳ​ໃຊ້​ໄດ້.

2.  ຄຸນ​ປະ​ໂຫຍດ​ຂອງ​ຈຸ​ລິນ​ຊີ.

-       ເປັນ​ຈຸ​ລິນ​ຊີ​ຊ່ວຍ​ການ​ຍ່ອຍ​ສະຫຼາຍ​ເສດ​ພືດຫຼືດິນໃຫ້​ເປັນ​ດິນ​ຝຸ​ຜົງແລະສ້າງ​ຈຸ​ລິນ​ຊີ​ໃນ​ດິນ​ໃຫ້ຫຼາຍ​ຂື້ນ.

-       ສ້າງ​ພູມ​ຄຸມ​ກັນ​ໃຫ້​ພືດ ​ເຮັດໃຫ້​ລຳ​ຕົ້ນພືດ​ແຂງ​ແຮງ​ຂື້ນ​ຕື່ມ.

-       ໃຊ້​ແທນ​ປຸ໋ຍ​ເຄ​ມີ​ໄດ້ ( ແຕ່​ວ່າ​ເປັນ​ຈຸ​ລິນ​ຊີຊີ​ວະ​ພາບບໍ່​ມີ​ສານ​ຕົກ​ຄ້າງ ).

-       ໃຊ້​ບຳ​ບັດ​ນ້ຳ​ເນົ່າ​ເສຍ​ໄດ້.

-       ເຮັດ​ໃຫ້​ການ​ຈະ​ເລີນ​ເຕີບ​ໂຕ​ຂອງ​ຮາກ​ພືດແລະພືດ​ໄວ​ຂື້ນ.

3.  ວິ​ທີ​ການ​ນຳ​ໃຊ້.

-       ໃຊ້​ເຄື່ອງ​ສີດ​ພົ່ນໃຊ້​ອັດ​ຕາ 200 ຊີໆຫຼື 200 ກະ​ຣາມຕໍ່​ນ້ຳ 20 ລີດ.

-       ໃຊ້​ບົວ​ຫົດ​ນ້ຳ​ຫົດໃນ​ອັດ​ຕາ 100 ຊີໆຫຼື 100 ກະ​ຣາມຕໍ່ 1 ບົວຫົດ​ນ້ຳ.

4.  ວິ​ທີ​ການ​ເກັບ​ຮັກ​ສາ.

-       ໃຫ້​ຕາກ​ແດດ​ປະ​ໄວ້​ຕະຫຼອດ​ໃນ​ການ​ໃຊ້​ງານຫ້າມ​ບໍ່​ໃຫ້​ເກັບ​ໄວ້​ໃນ​ຮົ່ມ.

-       ເມື່ອ​ເຫັນ​ວ່າ​ສີ​ແດງຫຼືສີ​ນ້ຳ​ຕານ​ຈາງ​ລົງໃຫ້​ເອົາ​ໄຂ່​ໃສ່​ຕື່ມ 1 ບ່ວງ​ແກງ/1 ປ່ອງ.

Share: