ການປູກກະລຳປີດອກ Cauliflower

ຊື່ວິທະຍາສາດ Brassica oleracea botrytis group ຕະກຸນ Cruciferae  ກະລໍ່າປີດອກ​ເປັນ​ພືດ​

ຜັກ​ທີ່​​ໃຊ້ບໍລິໂພ​ກສ່ວນ​ຂອງດອກ​ທີ່​ຢູ່​ບໍລິ​ເວນປາຍດອກ​ຂອງ​ລຳຕົ້ນຊຶ່ງ​ມີ​ລັກສະນະ​ເປັນ​ກ້ອນສີຂາວ​ເຖິງ​ສີ​ເຫຼືອງ​

ອ່ອນອັດ​ຕົວ​ກັນ​ແໜນອວບ ​ແລະ ກອບ​ຊຶ່ງ​ນິຍົມ​ເອີ້ນສ່ວນ​ດັ່ງກ່າວ​ວ່າ: ດອກ​ກະລຳຖ້າ​ປ່ອຍ​ໃຫ້​ຈະ​ເລີ​ນ​ເຕີບ​ໂຕ​

ຕໍ່​ໄປ​ກໍ​ຈະ​ພັດທະນາ​ເປັນ​ດອກ ແລະ ຕິດ​ເມັດ​ໄດ້.

ຈາກ​ຂໍ້​ມູນ​ຫຼານໆ​ແຫຼ່ງທີ່​ກ່າວ​ເຖິງ​ຄຸນ​ປະ​ໂຫຍ​ດຂອງ​ວິ​ຕະມິນ​ຊື່ວ່າ​ສານ​ມະ​ຣົດປ້ອງ​ກັນ​ມະເຮັງໂລກ​ຫົວ​ໃຈ ​ແລະ ອາການ​ເຈັບ​ໜ້າ​ເອີກ​ຮວມ​ເຖິງ​ອິກຫຼາຍໆ​ໂລກ​ນັ້ນຕ່າງ​ກໍ​ລະບຸ​ຕ່າງ​ກັນ​ວ່າ​ຮ່າງກາຍ​ຂອງ​ຄົນ​ເຮົາ​ຕ້ອງ ການວິ​ຕະມິນ​ວັນ​ລະ 60 mg​ໃນ​ຄະນະ​ທີ່​ດອກ​ກະລຳ​ປີ 1 ສິ້ນ​ໃຫ້​ວິ​ຕະມິນ​ເຖິງ 96 mg ມີ​ຫຼາຍ​ເກີນ​ສຳລັບ​ຄວາມ​ຕ້ອງການ​ຂອງ​ຮ່າງກາຍ​ໃນ 1 ວັນ ເທັ່າ ກັບ​ວ່າການ​ຮັບ​ປະທານ​ດອກ​ກະລຳປີ​ສົດ​ພຽງ​ແຕ່​ຖ້ວຍ​ກາ​ເຟດຽວ​ກໍ່​ຈະ​ໄດ້​ວິ​ຕະມິນ​ພຽງພໍ​ສຳລັບ​ຮ່າງກາຍ​ໃນ 1 ວັນນັ້ນ​ແລ້ວ.

ວິ​ຕະມິນ​ຊີ​ໃນ​ດອກ​ກະ​ລໍ່າ​ມີ​ຜົນ​ດີ​ຕໍ່​ຮ່າງກາຍ​ຂອງ​ຄົນ​ເຮົາ ນອກ​ຈາກ​ຈະ​ປ້ອງ​ກັນ​ໂລກ​ຕ່າງໆ​ທີ່​ກ່ຽວ​ກັບ​ຫົວ​ໃຈ​ໄດ້​ແລ້ວ​ຍັງ​ແກ້​ໂລກ​ເລືອດ​ອອກ​ຕາມ​ແຂ້ວ ​ແລະ ປ້ອງ​ກັນ​ເປັນ​ໝັນ​ໄດ້​ດ້ວຍ.

ຍັງ​ມີ​ລາຍ​ງານ​ຂອງ​ກະຊວງ​ສາລະ​ນະ​ສຸກ​ວ່າ​ດອກ​ກະລຳ​ສ່ວນ​ທີ່​ກິນ​ໄດ້100gໃຫ້​ພະ​ລັງ​ງານ 12 kcal ​ໃຫ້ protein 1g,ໃຫ້​ໄຂມັນ 0.1 g,​ໃຫ້​ຄາ​ໂບ​ໄຮ​ເດຼດ1.6g,ໃຫ້​ເຄນ​ເຊມ 22 mg,ໃຫ້​ຟົດສະ​ຟໍລັດ 23 mg ແລະ ທີ່​ເດັນ​ທີ່​ສຸດ​ກໍ​ຄື​ໃຫ້​ວິ​ຕະມິນ​ສູງ​ເຖິງ 96 mg.

ກະລໍ່າປີ​ເປັນ​ພືດ​ອາຍຸ​ປີ​ດຽວ ​ແລະ ສອງ​ປີ ແຕ່ສ່ວນ​ໃຫຍ່​ປູກ​ເປັນ​ພືດ​ອາຍຸ​ປີ​ດຽວ​ລຳຕົ້ນ​ສູງ​ປະມານ 40 -50 cm ຂະໜາດ​ດອກ​ໜັກ​ປະມານ 0.5 -1.20 kg ເສັ້ນຜ່າ​ສູນ​ກາງ​ປະມານປະມານ 10-20 cm ຕ້ອງການອຸນຫະພູມ 15,5-18,3  ມີ​ອາຍຸ​ການ​ເກັບ​ກ່ຽວ 60 - 90 ວັນ.

3.1.1 ການກຽມດິນ

            ກະ​ລໍ່າ​ປີດ​ອກ​ເປັນ​ພືດ​ທີ່​ມີ​ລະບົບ​ຮາກ​ຕື້ນຕ້ອງການ​ກຽມ​ດິນ​ໃຫ້​ເລິກ 15-20 cm ຕາກ​ດິນ​ໄວ້​ປະມານ 5-7 ວັນເກັບ​ເສດ​ຫຍ້າ​ອອກ​ໃຫ້​ໝົດ​ໃສ່​ຝຸ່ນ​ຄອກ ​ຫຼື ຝຸ່ນ​ມັກ​ໃຫ້​ຫຼາຍຍົກ​ເປັນ​ໜານ​ໄວ້​ພ້ອມ​ທີ່​ກ້າ ຫຼື ປູກ​ໄດ້.

3.1.2 ການ​ກ້າ​ເມັດ

      ​ເມື່ອ​ກຽມ​ດິນ​ສຳ​ເລັດ​ກໍ່​ສາມາດ​ກ້າ​ເມັດ​ໂດຍ​ການ​ຫວ່ານ​ເມັດ​ໃຫ້​ກະຈາຍ​ທົ່ວ​ໜານ​ກ້າ ຫຼື ຢອດ​ເປັນ​ແຖວ ​ແຖວ​ເລີກ 2 cm ​ແຕ່ລະ​ແຖວ​ຫ່າງ​ກັນ 10-15 cm ​ໄລຍະ​ຫາງ​ຕົ້ນ 5-8 cm ​ແລ້ວ​ປົກ​ດ້ວຍ​ຝຸ່ນ​ມັກ​ ຫຼື ດິນ​ລະອຽດ ​ເມື່ອ​​ເບ້ຍ​ມີ​ອາ​ຍຸ​ປະມານ 30-40 ວັນ ສາມາດ​ນຳ​ໄປປູກ​​ໄດ້.

3.1.3 ການ​ປູກ

      ຄວນ​ເລືອກ​ໃນ​ເວລາ​ທີ່​ມີ​ອາກາດ​ເຢັນ ໃຊ້​ໄລຍະ​ຫາງ​ໃນ​ການ​ປູກ ລະຫວ່າງ​ຕົ້ນ 40 cm ລະ

ຫວ່າງແຖວ 60 cmຫຼັງ​ປູກ​ຄວນ​ກົບ​ບໍລິ​ເວນ​ຕົ້ນ​ໃຫ່​ແໜນຈາກ​ນັ້ນ​ໃຊ້​ຫຍ້າ​ແຫ້ງ ຫຼື ​ເຟືອງ​ຄຸມ​ໃນ​ໜານ ​ເພື່ອ​ຮັກສາ​ຄວາມ​ຊຸ່ມ​ໃນ​ດິນ​ແລ້ວ​ຫົດ​ນ້ຳ​ໃຫ້​ຊຸ່ມ​ດີ​ໄວ້ ​ແລະ ​ໃຊ້​ວັດຖຸ​ບັງ​ແດດ 3-5 ວັນ​ແລ້ວ​ຈິ່ງ​ເອົາ​ອອກ.

3.1.4 ການ​ບົວລະບັດ​ຮັກສາ

      ກ     ການ​ໃຫ້​ນ້ຳ: ຄວນ​ມີ​ການ​ໃຫ້​ນ້ຳ​ຢ່າງ​ສະ​ໝໍ່າສະ​ເໝີ ​ແລະ ພຽງພໍ​ເມືອ​ກະ​ລໍ່າ​ປີດ​ອກ​ໃຫຍ່​ຂຶ້ນ​ກໍ່​ຕ້ອງການ​ນ້ຳຫຼາຍຂຶ້ນ.

      ຂ     ການ​ຫຸ້ມດອກ:  ​ເມື່ອ​ມີດ​ອກ​ໃຫຍ່​ຂຶ້ນມີ​ເສັ້ນ​ຜ່າ​ສູນ​ກາງ 5-7 cm ຫຼື ດອກ​ໃຫຍ່​ໄດ້​ຂະໜາດ​ກໍ່ຕາມທີຕ້ອງການກໍສາມາດຄຸມດອກໂດຍການລວມປາຍໃບເຂົ້າຫາກັນແລ້ວມັດໃຫ້ລຸມໆໄວ້ ຈະເຮັດໃຫ້ດອກໜ້າຮັບປະທານ ແລະ ມີຄຸນນະພາບດີ,ຫຼັງຄຸມດອກໄດ້ 7 ວັນກໍ່ສາມາດເກັບກ່ຽວໄດ້.

 

3.1.5  ການເກັບກ່ຽວ

      ການ​ເກັບ​ກ່ຽວ​ກະ​ລໍ່າ​ປີ​ສັງ​ເກດ​ໄດ້​ຈາກ​ຂະໜາດ​ຂອງ​ດອກ​ທີ່​ມີ​ຂະ​ໃຫຍ່​​ເປັນ​ກ່ອນ​ແໜ້ນຫຼັງ​ຈາກ​

ນັ້ນ​ກໍ່​ສາມາດ​ເກັບ​ກ່ຽວ​ໄດ້.

ນອກຈາກ​ນັ້ນ​ກໍ່​ສັງ​ເກດ​ໄດ້​ຈາກ​ອາຍຸ​ການ​ເກັບ​ກ່ຽວ​ຂອງ​ແຕ່ລະ​ແນ​ວພັນ.

      ວິທີ​ການ​ເກັບ​ກ່ຽວ​ແມ່ນ​ໃຊ້​ມິດ​ຕັດ​ດອກ​ໃຫ້​ມີ​ສ່ວນ​ຂອງ​ໃບ 2-3 ​ໃບ ​ເພື່ອ​ປ້ອງ​ກັນ​ຈາກ​ການ​ຂົນ​ສົ່ງ.

Share: