ປະຫວັດຄວາມເປັນມາ ແລະ ຖິ່ນກໍາເນີດຂອງເຫັດເຟືອງ

 

ເຫັດເຟືອງ ຈັດເປັນເຫັດທີ່ປະຊາຊົນຮູ້ຈັກມາແຕ່ດົນນານມາແລ້ວ, ເຫັດຊະນິດນີ້ສາມາດຈະເລີນເຕີບໂຕໄດ້ດີໃນວັດສະດຸປູກຫຼາຍຊະນິດ ຈຶ່ງມີຊື່ເອີ້ນທີ່ແຕກຕ່າງກັນອອກໄປ ເຊັ່ນ: ເຫັດບົວ, ເຫັດເຟືອງເປັນຕົ້ນ.

ເຫັດເຟືອງ ເລີ່ມປູກກັນຄັ້ງທຳອິດໃນມົນທົນແຄນຕັນ(ປະເທດຈີນ) ແລະ ຕໍ່ມາກໍມີການແຜ່ຂະຫຍາຍການປູກໄປໃນປະເທດຕ່າງໆທາງ ເອເຊຍຕາເວັນອອກສຽງໃຕ້(ປັນຍາ, 1989).

ເຫັດເຟືອງ ເປັນເຫັດທີ່ປູກຫງ່າຍ ແລະ ໃຊ້ເວລາໃນການປູກໜ້ອຍເມື່ອທຽບກັບການປູກເຫັດຊະນິດອື່ນໆ ພ້ອມທັງມີຄຸນຄ່າທາງອາຫານສູງຈຶ່ງເໝາະສົມທີ່ຈະແນະນຳວິທີການປູກໃຫ້ແກ່ຊາວກະສິກອນພາຍຫຼັງທີ່ສຳເລັດການດຳນາ ຫລື ກ່ຽວເຂົ້າແລ້ວ ເຊິ່ງໄລຍະນີ້ຊາວກະສິກອນຈະມີວັດສະດຸທີ່ຈະໃຊ້ປູກເປັນຈຳນວນຫຼາຍເຊັ່ນ: ໃບກ້ວຍແຫ້ງ, ເຟືອງແຫ້ງ ແລະ ອື່ນໆ (ປັນຍາ,1989).

ເຫັດເຟືອງມີຖິ່ນກຳເນີດຢູ່ເຂດຮ້ອນເຊັ່ນ ເກີດມາຈາກເຫັດປ່າ ໂດຍຄັ້ງທຳອິດແມ່ນເກີດຢູ່ໃນກາກບົວ ຈິ່ງເອີ້ນວ່າເຫັດບົວ ຕໍ່ມາມີການຈະເລີນເຕີບໂຕໃນກອງເຟືອງຈິ່ງເອີ້ນວ່າເຫັດເຟືອງສວນຫລາຍແມ່ນໄດ້ນຳເຂົາມາປູກຈາກເມືອງກວາງຕຸ້ງປະເທດຈີນ ມີຊື່ສາມັນວ່າ : Straw Mushroom ແລະ ມີຊື່ວິທະຍາສາດວ່າ : Volvariella volvacea ການຈະເລີນເຕີບໂຕຂອງເຫັດເຟືອງມີ 2 ໄລຍະຄື : ໄລຍະທີ່ເປັນເສັ້ນໄຍ ແລະ ໄລຍະທີ່ເປັນດອກເຫັດ ເສັ້ນໄຍເຫດເຟືອງມີສີຂາວນວນຈະເລີນກິນວັດສະດຸປູກ,ເມື່ອເສັ້ນໄຍລວມຕົວກັນເປັນກ້ອນຈະກາຍເປັນຕຸ່ມນ້ອຍ ແລະ ຄ່ອຍຈະເລີນເຕີບໂຕຂຶ້ນມີລັກຊະນະເປັນຮູບໄຂ່ທີ່ມີເຍື່ອຫຸ້ມສູງຂຶ້ນມາຈາກພື້ນປະມານ 4 – 8 ຊັງຕີແມັດ , ມີເສັ້ນຜ່າສູນກາງ 3 – 4 ຊັງຕີແມັດ ແຕ່ຢູ່ສວ່ນປາຍຍອດຈະມີສີເຂັ້ມກວ່າ(ອະພິຊາດ, ພິ້ມ, 2012).

ການຈໍາແນກເຫັດເຟືອງ (Taxonomy)

Common name : ເຫັດເຟືອງ, ເຫັດບົວ (Straw mushroom)

-   Scientific name : Volvariella volvaceae

-      Class: Basidiomycetes

-      Subclass: Holobasidiomycetidae

-      Series: Hymenomycetes

-      Order: Agarical

-      Family: Volvariaceae

-      Genus: Volvariella

-      Species: Volvaceae

Share: