ການປູກບຣອກໂຄລີ Broccoli

       Broccoli ເປັນພຶດຜັກທີ່ບໍລິໂພກສ່ວນຂອງດອກ ແລະ ກ້ານດອກເຊັ່ນດຽວກັນກັບກະລຳປີດອກເປັນ​ພືດຜັກ​ຊະນິດ​ໜຶ່ງ​ກັບ​ຕະກຸນ​ກະລຳສ່ວນ​ຂອງ​ດອກ​ມີ​ສີຂຽວ​ປະກອບ​ດ້ວຍ,ດອກສີຂຽວ​ຈຳນວນ​ຫຼາຍລວມຕົວ​ກັນ​ເປັນ​ກຸ່ມ​ໃຫຍ່ນິຍົມ​ກັນກິນ​ຫຼາຍ​ໃນ​ແຖບ​ຢູລົບ.

     2.3.1 ລັກສະນະ​ທົ່ວ​ໄປ

          Broccoli ເປັນ​ພືດ​ຜັກ​ທີ່​ຢູ່​ໃນ​ຕະກຸນ Cruciferea ມີ ​ຊື່​ທາງ​ວິທະຍາສາດ​ວ່າ BrassicaOlera

cea Var.italic ສາມາດ​ຂື້ນ​ໄດ້​ໃນ​ດິນ​ທຸກ​ປະ​ເພດ​ແຈ່ມັກ​ດິນ​ຮ່ວນ​ທີ່​ມີ​ຄວາມ​ອຸດົມສົມ​ບຸນ​ສູງ,pH = 6-6.5 ມີ​ຄວາມ​ຊຸ່ມ​ຊື່ນ​ໃນ​ດິນ​ສູງ, ອຸ​ນະ​ພູມ​ທີ່​ເໝາະ​ສົມ 18-27​  ຊ່ວງ​ການ​ປູກ​ທີ່​ເໝາະ​ສົມ​ແຕ່ເດືອນ​ພະຈິກ​ຫາ​ເດືອນ​ທັນວາ.

     2.3.2 ພັນ​ທີ່​ໃຊ້​ປູກ

            ສ່ວນ​ຫຼາຍ​ເປັນ​ພັນ​ລູກ​ປະສົມ​ເຊັ່ນ​ພັນ: De Cicco ,ພັນ Green Hybrid ເປັນຕົ້ນ.

2.3.3 ການ​ກຽມ​ດິນ

           ກ    ການ​ກຽມ​ໜານ​ກ້າ

                  ຂຸດ​ໄຖ​ດະ​ນ​ເລີກ​ປະມານ 10-15 ​cm  ຕາກ​ດິນ​ໄວ້ 5-7 ວັນ​ໂຮຍ​ຝຸ່ນ​ຄອກ​ຫຼື​ຝຸ່ນ​ມັກ​ໃຫ້​ຫຼາຍ, ປັບ​ໜ້າ​ດິນ​ໃຫ້​ລະອຽດ ຍົກ​ເປັນ​ໜານ​ນ້ອຍໆ.

           ຂ    ການ​ກຽມ​ໜານ​ປູກ

                  ຂຸດ​ໄຖ​ດິນ​ເລີກ​ປະມານ 15-20 cm ຕາກ​ດິນ​ໄວ້7-10 ວັນ ໂຮຍ​ຝຸ່ນ​ຄອກ​ຫຼື​ຝຸ່ນ​ມັກ​ໃຫ້​ຫຼາຍ,ພວນ​ດິນ​ໃຫ້​ລະອຽດ,ເກັບ​ເສດ​ວັດ​ສະ​ພືດ​ອອກ​ໃຫ້​ໝົດຍົກ​ເປັນ​ໜານໆ.

     2.3.4 ການ​ປູກ

            ​ເນື່ອງ​ຈາກ broccoli ຂະຫຍາຍ​ພັນ​ດ້ວຍ​ເມັດ ການ​ປູກ​ແບ່ງ​ອອກ​ເປັນ 2 ຂັ້ນຕອນ​ຄື: ກາ​ນ

ກຽມ​ແບ່ງ​ເພາະ​ກ້າ ​ແລະ ການ​ປູກລົງ​ແປງ.

           ກ    ການ​ກ້າ​ເກ່ນ

                  ຫຼັງ​ຈາກ​ການ​ກຽມ​ໜານ​ກ້າ​ ແລ້ວ​ໃຫ້​ຫວ່ານ​ເມັດ​ພັນ​ ໃຫ້​ກະຈາຍ​ສະໝ່ຳ ສະ​ເໝີ​ ທົ່ວ​ທັງ​

ໜານ​ແລ້ວ​ກົບ​ດິນຫຼືຝຸ່ນ​ມັກ​ທີ່​ສະ​ລາຍ​ຕົວ​ດີ​ແລ້ວ​ໜາ​ປະມານ 0.5- 1 cmຫົດ​ນ້ຳ​ດ້ວຍ​ບົວ​ຝອຍ​ລະອຽດ​ໃຫ້​ທົ່ວ​ແລ້ວ​ຄູ​ມດ້ວຍ​ຫຍ້າ​ແຫ້ງ​ຫົດ​ນ້ຳ​ໃຫ້​ຊຸ່ມ​ສະໝ່ຳສະ​ເໝີ​ໝັ່ນ​ກວດ​ເບິ່ງ​ຕົ້ນ​ກ້າ​ໃດທີ່​ອ່ອ່ນ​ແອ​ຫຼືບໍ່ສົມ​ບຸນ​ໃຫ້​ຖອດ​ຖີ້ມ.

           ຂ    ການ​ປູກ​ລົງ​ໜານ

                             ຫຼັງ​ຈາກ​ກ້າ​ເມັດ​ໄດ້ 25-30 ວັນ ​ໃຫ້​ເລືອກ​ເອົາ​ຕົ້ນ​ທີ່​ແຂງ​ແຮງ​ ໄປ​ປູກໂດຍ​ໃຊ້​ໄລຍະ​

ຫ່າງ​ຕົ້ນ 50 cm ​ແລະ ​ແຖວ 60 cm ຫຼັງ​ປູກ​ຕ້ອງ​ບີບບໍລິ​ເວນ​ເຫງົ້າ​ໃຫ້​ແໜ້ນ​ແລ້ວ​ຄຸມ​ດ້ວຍ​ເຝືອ​ງ ຫຼື ຫຍ້າ​ແຫ້ງ​ຫົດ​ນ້ຳ​ໃຫ້​ຊຸ່ມ.

     2.3.5 ການ​ບົວລບັດ​ຮັກສາ

           ກ    ການ​ໃສ່​ຝຸ່ນ

                  ຝຸ່ນ​ທີ່​ໃສ່​ແມ່ນ N P K 10-10-21 ຫຼື 13-13-21 ຫຼື ສູດ​ໃກ້​ຄຽງ​ນີ້​ໃນຈຳນວນ 300-500 kg/ha ​ແຕ່​ຕ້ອງ​ຂຶ້ນ​ກັບ​ຄວາມ​ອຸດົມສົມ​ບຸນ​ຂອງ​ດິນ,ການ​ໃສ່​ແບ່ງ​ອອກ​ເປັນ 2 ຄັ້ງ​ຄື: ຄັ້ງ​ທີ 1 ​ໃສ່​ເປັນ​ຝຸ່ນ​ຮອງ​ພື້ນ ​ແລະ ຄັ້ງ​ທີ່ 2 ​ໃສ່​ເມື່ອ​ພືດ​ມີ ອາຍຸ 25-30 ວັນ ຫຼັງຍ້າຍ​ປູກ, ນອກ​ນີ້​ອາດ​ໃສ່ N ​ເພື່ມປະມານ 120 kg/ha ຫຼັງ​ປູກ​ໄດ້ 7-10 ວັນ.

            ຂ     ການ​ໃຫ້​ນ້ຳ

                  ຫຼັງ​ປູກ​ແລ້ວ​ຄວນ​ໃຫ້​ນ້ຳ​ຢ່າງ​ສະໝໍ່າສະ​ເໝີ​ທັງ​ເຊົ້າ ​ແລະ ​ແລງ.

            ຄ     ການ​ພວນ​ດິນ

                  ຄວນ​ປະຕິບັດ​ໃນ​ຊ່ວງຕົ້ນ​ຍັງ​ນ້ອຍ​ ​ແລະ ອາດ​ເຮັດ​ພ້ອມ​ກັນ​ການ​ໃສ່​ຝຸ່ນ

3.5.6  ການເກັບກ່ຽວ

     ພັນບ້ານເຮົາສ່ວນຫຼາຍເປັນພັນດໍມີອາຍຸການເກັບ

ກ່ຽວປະມານ 60-90 ວັນ ຫຼັງຈາກປູກ, ການເກັບກ່ຽວໃຫ້ເລືອກ

ດອກທີ່ກົມເກາະກັນແໜ້ນ ໃຫຍ່ໄດ້ຂະໜາດເຕັມທີການຕັດຄວນ

ຕັດໃຫ້ມີກ້ານດອກຍາວປະມານ 15-20 cm ຕັດ​ໃບ​ຂ້າງ​ອອກ​ຈົ່ງ​ພຽງ 2-3 ​ໃບ​ກໍ​ພໍ​ເພື່ອ​ຫຸ້ມ​ດອກ​ປ້ອງ​ກັນ​ການ​ເສຍ​ຫາຍ​ໃນ​ເວລາ​ຂົນ​ສົ່ງ.

Share: