ເຂົ້າໃຈແມງສັດຕູໄມ້ໃຫ້ໝາກ(ແມງວັນທອງ)

ວົງຈອນຊີວິດ

ແມງວັນທອງຈະວາງໄຂ່ເປັນກຸ່ມໃຕ້ຜິວຂອງໝາກໄມ້ ໄຂ່ຟັກພາຍໃນ 2-4 ມື້ເປັນໜອນແມງວັນໂຕສີຂາວບໍ່ມີຂາ ໂຕໃຫຍ່ເຕັມທີ່ຍາວ 1 ຊັງຕີແມັດ ຫົວແຫລມ ກົ້ນມົນໂຕໜອນຈະກິນຊີ້ນໝາກໄມ້ພາຍໃນ 10-14ມື້ ເຮັດໃຫ້ໝາກລົ່ນຈາກຕົ້ນ ເຂົ້າດັກແດ້ໃນດິນໄລຍະດັກແດ້ປະມານ 10 ມື້

ການວາງໄຂ່

ແມງວັນທອງໄຂ່ໃສ່ໃນໝາກໄມ້ອ່ອນ

ໂຕແກ່ເຕັມໄວ

ຄ້າຍຄືແມງວັນທີ່ມີສີເຫລືອງຄືກັນກັບຕັກກະແຕນ

ການປ້ອງກັນກຳຈັດ

-       ໃຊ້ກັບດັກແມງວັນທອງ

-       ເກັບໝາກໄມ້ທີ່ຫລົ່ນໄປທຳລາຍຖິ້ມ

-       ໃຊ້ພືດສະໝູນໄພເຊັ້ນ: ຂົມກາເດົາ

Share:

Read More

ເຂົ້າໃຈແມງໄມສັດຕູຂອງພືດຜັກ(ແມງຫມີ່ຂາວ)

ວົງຈອນຊີວິດ

ແມງໝີ່ຂາວວາງໄຂ່ມີຮູບຮ່າງຄ້າຍຄືໝາກສີດາ ແຂວນຫ້ອຍຍູ່ຕາມກ້ອງໃບຂອງພືດ ໄລຍະໄຂ່ 7 ມື້ ຕົວອ່ອນຈະດູດກິນນ້ຳລ້ຽງ ຕົວອ່ອນສີຂາວປົນສີຂຽວຮູບໄຂ່ ມີຫລາຍໄລຍະ ໄລຍະຕົວອ່ອນ 2-4ອາທິດ ຕົວແກ່ຍາວ 1 ມິນລີແມັດ ມີປີກສີຂາວ ຕາມໂຕມີລັກຊະນະຄ້າຍແປ້ງປົກຄຸມໂຕ ໂຕແມ່ວາງໄຂ່ໄດ້ປະມານ 100 ໜ່ວຍ

ລັັກຊະນະການທຳລາຍ

ມັກຈະພົບເຫັນການລະບາດຫລາຍໃນລະດູຮ້ອນ ແຕ່ພໍເຂົ້າລະດູຝົນຈະຫລຸດປະລິມານລົງ ແມງໝີ່ຂາວເປັນສັດຕູສະເພາະໃນໂຮວເຮືອນປັກຊຳ ແຕ່ເມື່ອໃຊ້ຢາຂ້າແຜງໄມ້ຫລາຍເຮັດໃຫ້ແມງໝີ່ຂາວມີປະລິມານເພີ່ມຂຶ້ນ ແມງໝີ່ຂາວເຮັດໃຫ້ພືດຜິດປົກກະຕິເຊັ່ນ: ອ່ອນແອເນື່ອງຈາກດູດກິນນ້ຳລ້ຽງເປັນພາຫະນະນຳເຊື້ອໄວລັດມາສູ່ພືດເຊັ່ນ: ພະຍາດໃບດ່າງຂອງມັນຕົ້ນ ແລະ ພະຍາດໃບງໍໃນຝ້າຍ ເຮັດໃຫ້ໃບບິດບ້ຽວແລະເປັນສີເຫລືອງ

ການປ້ອງກັນກຳຈັດ

-       ໃຊ້ເມັດພັນທີ່ມີຄວາມຕ້ານທານ

-       ສະໜັບສະໜູນສັດຕູທຳມະຊາດ

-       ໃຊ້ກັບດັກໃນເຮືອນປັກຊຳ

-       ໃຊ້ສານທຳມະຊາດຕໍ່ໄປນີ້ : ຜັກທຽມ,ຢາສູບ

Share:

Read More

ເຂົ້າໃຈແມງໄມສັດຕູຂອງພືດຜັກ(ໄຮແດງ)

ວົງຈອນຊີວິດ

ຮູບຮ່າງຄ້າຍຄືແມງມູມແຕ່ມີຂະໜາດນ້ອຍຫລາຍສ່ວນໃຫຍ່ໂຕຈະມີສີແດງແຕ່ບາງເທື່ອກໍ່ມີສີຂຽວຫລືສີສົ້ມ ໄຂ່ມີສີເຫລືອງ ວາງໄຂ່ຢູ່ກ້ອງໃບໄລຍະໄຂ່ 4 ມື້ ໄລຍະໂຕອ່ອນ 6-10ມື້ ໂຕແກ່ຢູ່ໄດ້ດົນເຖິງ 3 ອາທິດ ແລະ ສາມາດອອກໄຂ່ໄດ້ 200 ໜ່ວຍ

ລັກຊະນະການທຳລາຍ

ທຸກໄລຍະການຈະເລີນເຕີບໂຕຈະດູູດກິນນ້ຳລຽ້ງຈາກໃບຂອງພືດເຮັດໃຫ້ເປັນຈຸດດ່າງເຫລືອງຕໍ່ມາເປັນຈຸດສີນ້ຳຕານແລະມີສີນ້ຳເງິນເຄືອບໃບງໍທາງດ້ານລຸ່ມເຮັດໃຫ້ໃບອ່ອນແອແລະຍອດບໍ່ຈະເລີນເຕີບໂຕແລະພືດຈະຕາຍໃນທີ່ສຸດໄຮຈະທຳລາຍຮຸນແຮງໃນລະດູຮ້ອນ

ການປ້ອງກັນກຳຈັດ

-       ປູກພືດທີ່ບໍ່ຕ້ອງກນໃຫ້ໄຮທຳລາຍໃນລະດູຝົນ

-       ໃຊ້ພັນຕ້ານທານ

-       ໃຊ້ປຸຍຍູເລຍໃຫ້ໜ້ອຍລົງ

-       ໃຊ້ພືດສະໝູນໄພຕໍ່ໄປນີ້: ຜັກທຽມ,ຂົມກາເດົາ,ນ້າຍ່ຽວຂອງງົວ,

-       -ນ້ຳສະບູ່ປະສົມນ້ຳມັນກາດ

Share:

Read More

ເຂົ້າໃຈແມງໄມສັດຕູຂອງພືດຜັກ(ບົ້ງຄືບກະລຳປີ)

ວົງຈອນຊີວິດ

ໂຕແກ່ວາງໄຂ່ແບບເປັນໜ່ວຍຢູ່ດຽວໆທາງດ້ານລຸ່ມຂອງໃບ ໄຂ່ຈະຝັກພາຍໃນ 2-3ມື້ບົ້ງສີຂຽວມີແຖບສີຂາວຂ້າງລຳຕົວ ແລະທາງດ້ານທ້ອງມີເສັ້ນເປັນຄູ່ ເວລາເຄື່ອນທີ່ໃຊ້ໃນການຄືບໄປ ໄລຍະເປັນບົ້ງ 30-35ມື້ເຂົ້າເປັນຜັກຫລອກໃນເສດຜັກເຫລືອທີ່ປະໄວ້ ຝັກຫລອກໃຊ້ເວລາ 15 ມື້ຈະກາຍເປັນແມງກະເບື້ອສີນ້ຳຕານແກ່ ມີເມັດສີຂາວເທິງປີກດ້ານໜ້າ ປີກກ້ວາງ 25 ມິນລີແມັດໄລຍະເປັນໂຕແກ່ໃຊ້ເວລາ 3 ອາທິດ

ລັກຊະນະການທຳລາຍ

ບົ້ງຈະກັດໃບແລະສ່ວນຍອດຂອງຜັກ

Share:

Read More

ເຂົ້າໃຈແມງໄມສັດຕູຂອງພືດຜັກ(ບົ້ງຊອນໃບ)

ວົງຈອນຊີວິດ

ວາງໄຂ່ເທິງດ້ານຫັລງຂອງໃບ ອາດຈະວາງໄຂ່ດ່ຽວໆ ຫລື ວາງເປັນກຸ່ມໄຂ່ຈະຝັກພາຍໃນ 3-8ມື້ ກາງລຳຕົວມີສີຂຽວເຂັ້ມ ຂະໜາດຍາວ 12 ມິນລີແມັດ ຫາກຖືກລົບກວນຈະມ້ວນຕົວ ເມື່ອບົ້ງຈະຕົກມັນຈະພົ່ນເສັ້ນໄຍເຮັດໃຫ້ລຳຕົວຂອງມັນບໍ່ຕົກລົງພື້ນໄລຍະບົ້ງ 14 – 18 ມື້ ເຂົ້າດັກແດ້ໃນບໍລິເວນຢູ່ກ້ອງໃບເມື່ອເຖິງເວລາ 5 -10 ມື້ຈະກາຍເປັນແມງກະເບື້ອຕອນກາງຄືນ ສີເທົາ ຕົວນ້ອຍ ປີກກ້ວາງ 15 ມິນລີແມັດ

ລັກຊະນະການທຳລາຍ

ບົ້ງຈະເຈາະຜິວທາງດ້ານທ້ອງໃບ ແລະ ກັດກິນເຂົ້າໄປໃນເນື້ອເຍື່ອ ໂດຍບໍ່ກິນຜິວທາງດ້ານເທິງຂອງໃບເຮັດໃຫ້ເປັນໃບສ່ອງເຫລືອແຕ່ເນື້ອເຍື່ອ ບາງຄັ້ງກໍ່ກັດກິນຈົນເປັນຮູ

ການປ້ອງກັນກຳຈັດ

-       ປູກພືດສະຫລັບກັນຫລາຍໆຊະນິດ

-       ໃຊ້ກັບດັກແສງໄຟ

-       ໃຊ້ສະໝູນໄພເຊັ່ນ : ໝາກຂຽບ,ຂົມກາເດົາ,ຢາສູບ,ມັນແກວ

Share:

Read More

ເຂົ້າໃຈແມງໄມສັດຕູຂອງພືດຜັກ(ບົ້ງຄືບ)

ວົງຈອນຊີວິດ

ໄຂ່ວາງຢູ່ຕາມລຳຕົ້ນຂອງພືດ ຫລື ຢູ່ບໍລິເວນໃກ້ຄຽງ ແມງກະເບື້ອວາງໄຂ່ໄດ້ລະຫວ່າງ 1000 – 1300 ໜ່ວຍ ແລະ ໜອນຈະແຕກອອກມາໃນເວລາ 10-14 ມື້ ກິນໃບພືດເປັນເວລາ 1-2 ອາທິດ ຕໍ່ຈາກນັ້ນກໍ່ລົງໄປຢູ່ໃນດິນ ເມື່ອດ້ວງແກ່ເຕັມທີ່ມີສີນ້ຳຕານປົນສີເທົາຂະໜາດໂຕຍາວ 3 – 4 ຊັງຕີແມັດ ເຂົ້າດັກແດ້ໃນດິນເປັນເວລາ 10 – 30 ວັນ ກາງປີກກ້ວາງ 3- 4 ຊັງຕີແມັດ ປີກຄູ່ໜ້າມີສີນ້ຳຕານປົນສີເທົາ ແລະ ມີຮອຍແຕ້ມສີດຳ ຫລືສີນ້ຳຕານເຂັ້ມປີກຄູ່ຫລັງຂ້ອນຂ້າງຂາວ ເຖິງວ່າເພດຜູ້ຈະມີສີເຂັມກ່ວາກໍ່ຕາມ

ລັກຊະນະການທຳລາຍ

ຊ່ວງເວລາກາງເວັນໂຕດ້ວງຈະລີ້ຢູ່ໃນດິນກັດກິນຮາກພືດຊ່ວງເວລາກາງຄືນມັກກັດກິນພືດຕົ້ນນ້ອຍໆເປັນເຫດໃຫ້ຫັກລົ້ມ ແລະອາດຈະມີຜົນການເສຍຫາຍຕະຫລອດແຖວ

ການປ້ອງກັນກຳຈັດ

-       ໄຖກ່ອນປູກເປັນເວລາ 1 ເດືອນ

-       ໃສ່ຂີ້ເຖົ່າໃນໜານກ້າ

-       ໃຊ້ໄມ້ ຫລື ຕະປູປັກໄວ້ດິນບໍລິເວນຕົ້ນ

-       ໃຊ້ກັບດັກແສງໄຟ

-       ໃຊ້ເຫຍື່ອລໍ້

-       ສີດພົ່ນດ້ວຍສານສະກັດຈາກທຳມະຊາດເຊັ່ນ : ຢາສູບ

Share:

Read More

ເຂົ້າໃຈແມງສັດຕູຂອງຜັກ(ເພ້ຍອ່ອນ)

ເພ້ຍອ່ອນ

ວົງຈອນຊີວິດ

ເພ້ຍອ່ອນຈະມີລຳຕົວອ່ອນ ໂຕຂະໜາດໃຫຍ່ສຸດຈະໃຫຍ່ບໍເກີນ 4 ມິນລີແມັດ ດູດກິນນ້ຳລ້ຽງໄດ້ຫລຍຊະນິດ ປາກມີອະໄວຍະວະແຫລມຄົມໄວ້ແທງເປືອກນອກຂອງພືດເພື່ອດູດກິນນ້ຳລ້ຽງ ມັກທຳລາຍໃບອ່ອນ ແລະ ສ່ວນຍອດການສືບພັນມີແບບອາໄສເພດ ແລະ ບໍ່ອາໄສເພດ ຕົວເຕັມໄວໂຕແມ່ສາມາດອອກລູກໄດ້ມື້ລະ 2 – 20 ໂຕ ຖ້າສະພາບອາກາດດີໆຈະຄົບວົງຈອນຊີວິດໃນຊ່ວງເວລາປະມານ 2 ອາທິດ ໂຕແກ່ມີທັງຊະນິດມີປີກ ແລະ ບໍ່ມີປີກ ປີກຈະອອກມາເມື່ອງມີປະຊາກອນຈຳນວນຫລາຍ

ລັກຊະນະການທຳລາຍ

ທຳລາຍໂດຍການດູດກິນນ້ຳລ້ຽງເຮັດໃຫ້ໃບບິດບ້ຽວການຈະເລີນເຕີບໂຕຫລຸດລົງ ຖ້າທຳລາຍພືດຕະກຸນຖົ່ວເຮັດໃຫ້ມີປຸ່ມຫລຸດໜ້ອຍລົງ ແລະ ນ້ອຍເພ້ຍອ່ອນຂັບຖ່າຍເປັນນ້ຳຫວານເຮັດໃຫ້ເກີດເຊື້ອລາໃນຕົນພືດ ເປັນເຫດໃຫ້ບັງແສງແດດທີ່ໃຊ້ໃນການສັງເຄາະແສງ ພ້ອມທັງເປັນພາຫະນະນຳເຊື້ອພະຍາດເຊັ່ນເຊື້ອໄວລັດ

ການປ້ອງກັນກຳຈັດ

-       ປູກພຸ່ມໄມ້ເພື່ອໃຫ້ເປັນທີ່ຢູ່ອາໄສຂອງສັດຕູທຳມະຊາດ

-       ໃສ່ຝຸ່ນຢູເລຍໃຫ້ໜ້ອຍລົງປ່ຽນໃສ່ຝຸ່ນອິນຊີໃຫ້ສະໝ່ຳສະເໝີ

-       ກຳຈັດມົດເພາະມົດຈະຄາບເອົາເພ້ຍໄປບ່ອນອື່ນ

-       ໃຊ້ສານເຄມີທາງທຳມະຊາດເຊັ່ນ : ໝາກຂຽບ,ໝາກເຜັດ,ຜັກທຽມ,ຂົມກາເດົາ,ຢາສູບ,ມັນແກວ,ນ້ຳຍ່ຽວຂອງງົວ,ສູດປະສົມແປ້ງ,ນ້ຳສະບູ່

Share:

Read More